Regesta Imperii - Online Quellen zur Reichsgeschichte

Friedrich III. - Chmel n. 6470

1471 September 28, Triest

URI Merken

Soldrechnung für Hanns Knobelstorffer.

"Ich Jorg von Tschernöml, haubtman zu Triest Adelsperg und am Karst, und ich Hanns Wasserman vitztumb daselbst zu Triest, gekennen mit dem offenn brief, daz wir auf ain gescheffttbrief von dem Römischen kaiser etc. unserm allergenedigistn herrn ausganngen, dardurch sein kaiserlich gnad benüegt mit den söldnern ze raittn zu Triest und ain uberslahen ze tun die in der stat ze urlauben und die in denn Teberrn umb den dritten tail ze ringern. Also habn wir mit dem edeln vestn Hannsen Knobelstorffer ain uberslahen getan, so er selbsubenter zu Triesst gedient hat, von der nagstn raittung so mit im beschehen ist an sand Gregorientag untz auf den eritag vor sand Michelstag des verganngen tag geschehen in dem viertzehen hundertisten und im ain und subentzigisten jar, das alles bracht hat die zeit suben manadt, und bringt die summ im gelt acht und newntzig markh schilling, des zu urkundt mit unserm obgemeltn aygenn aufgedrukhtn petschafft. Geben zu Triesst an sambstag an sand Michelsabend anno domini etc. im lxximo."

Überlieferung/Literatur

Geh. H.-Archiv. Cod. N. 38. fol. 65 a).