Regesta Imperii - Online Quellen zur Reichsgeschichte

Friedrich III. - Chmel n. 6313

1471 Juli 20, Regensburg

URI Merken

gibt der Stadt Weissenburg im Elsass, als Ersatz für ihre Dienste ("uns und dem heiligen reich bissher offt und dick mit mercklichm irm schaden getan") gewisse Privilegien. Pön 50 Mark Goldes. (Jahrmarkt, jährlich am 1. August, 8 Tage zuvor und darnach.)

dann: "Wer auch das einich personen als burger in der stat Weissenburg zwei jar oder lennger gewondt hetten oder hinfür darein komen und solang als burger wonen und nachmals von yemand vermeinter leibeygenschaffthalb oder pflicht anzelanngn understanden wurden, so sollen doch solh personen derselbn vermeinten eygenschafft ob die also wer, alszdann unbeladen und die vorgenanten von Weissemburg dieselben deszhalb on irrung in irem burgerrecht behaltn, und sy noch dieselbn personen darumb nyemands nicht verpflicht sein. Als auch vormals die benanten von Weissemburg gefreyt, daz sy von allen und yeden gutern und erben so in der statstewr ligen und gevallenn bett und stewr nemen sollen und mogen, die aber bissher ettlich zeit aus miltigkeit und damit die lewt daselbs dest mynnder beswert wurdn nicht genomen sind worden seczen und wellen wir von newem erlauben und vergonnen in auch, also daz sy hinfür von allen und yeden gütern und erben, so in und auswenndig ir statgericht und gebietn ligen und darein gevallen, sy berurn oder besiczen geistlich oder weltlich edl oder unedl personen als von anndern gutern in ir stewr gelegen bett stewr und annder gerechtigkeit und ansleg nemen sollen und mogen, und daran von nyemands verhindert werdn in einich weise. Alssdann in der gemeltn stat ein haws genant die münss und der stat an unfuglichen ennden gelegen ist, haben wir in auch die gnad getann, daz sy dasselb münsshaws abbrechen und ein annder münsshaws wo sy das in der stat am gelegensten sein bedunckt seczen und pawen oder ein gepawts den hausgenossn geben, das dann gleich als das vorig haws all und yglich freyheit haben und von den hawsgenossen desselbn münsshaws gestatt werden sol." (Die Stadt darf auch Aechtern und Aberächtern Aufenthalt gestatten u. s. w.) "Seczen und wellen auch von yczgemelter unsrer kaiserlichen macht volkomenheit, daz die vorgenanten von Weissemburg all und yglich gnad freiheit recht und gerechtigkeit als unser und des reichs camer und stat Hagenaw hat auch haben der gebrauchen und geniessen sollen und mogen ..."

Überlieferung/Literatur

S. 12.