Regesta Imperii - Online Quellen zur Reichsgeschichte

Friedrich III. - Chmel n. 6088

1470 August 1, Villach

URI Merken

K. Friedrich trägt dem Bischof Ortolph von Chur auf, jene Einwohner und Hintersassen der Herrschaften, welche Herzog Sigmund von Oesterreich mit kaiserlicher Bewilligung von den Grafen Wilhelm und Hugo von Montfort-Werdemberg erkauft hat, die demselben zu huldigen sich weigern, zum Gehorsam zu bringen.

"Embietten dem erwirdigen Ortolffen bischoven zu Chur unserm fürsten und lieben andechtigen unser gnad und alles gut erwirdiger fürst lieber andechtiger als der hochgebornn Sigmund hertzog zu Osterreich etc. unser lieber vetter und fürst die herschafftn Tafans und Brotengow mitsambt den gerichten Churwald Lentz und andern gerichten so ein teil von uns und eins teils von dir und deinem stifft zu lehen rürn von den edeln unsern und des reichs lieben getrewen Wilhelmen und Haugen graven zu Montfort und Werdemberg an sich erkaufft und bracht hat dartzu wir dann unsern keyserlichen gunst und willen gegeben und dem obgenantn unserm lieben vettern und fürsten darauf dieselben herschafftn und gericht zu lehen verlihen haben. Ist uns angelanngt daz sich eynwoner hindersessen und zugewondtn zu und in dieselb herschafft gehorend dem yetzgenanten unserm lieben vettern und fürsten bissher huldigung zu tun gewidert haben sollen desshalb wir in im huldigung zu tun durch unser keyserlich brieff gebotten haben, wann sy nu deiner andacht gelegen sein auch du ir geistlicher richter bist und etliche stuck von dir und deinem stifft auch zu lehen rürn, so empfelhen wir deiner andacht von Romischer keyserlicher macht ernstlich begerende, daz du gegen allen und yeden zu den gemelten herschafften und gerichten gehorende mit ernstlichem vleiss darob seyest auch mit den so von dir und deinem stifft zu lehen ruren schaffest und bestellest dem yetzgenannten unserm lieben vettern und fürsten huldigung ze tun als billich ist, daran tut dein andacht unser ernstlich meynung und gut gevallen ..."

Überlieferung/Literatur

Geh. H.-Archiv.