Regesta Imperii - Online Quellen zur Reichsgeschichte

Friedrich III. - Chmel n. 6039

1470 Mai 29, Völkermarkt

URI Merken

erklärt, dass das Kloster Ochsenhausen bey seiner alten Freyheit in Betreff der Castvogtey bleiben soll, und cassirt seinen in dieser Beziehung unlängst erlassenen Brief für Herzog Sigmund von Oesterreich.

"- Bekennen als wir nechst auf anbringn und underrichtung uns bescheen, der castvogtey des closters Ochsenhawsen auch etlicher ausgetretter münichhalb daselbs etlich unser k. gebott und freyheitbrieve, an den hochgebornen Sigmunden herczogen zu Österreich etc. unsern liebn vettern und fürstn, auch die ersamen geistlichn und unser und des reichs lieb andechtigen und getrewn abbt und convent des yeczgemeltn closters burgermeister und rate der stat Ulme als ir burger und schermer ambtleutt hindersessen und zinszleutt desselben goczhawsz und anderer in gmein und besonnder gegeben und ausgeen lassen habn, durch des innhalt sich der yeczgenannt unser lieber vetter und fürst der vermeltn castvogtey underziehn, die ausgetrettn münich wider eingenomen und die abbtey und convent mit newer ordnung besaczt werdn, des closters ambtleutt undersessen und zinszleutt dem gemeltn castvogt und den er das bevelhe und den so dem closter zu regirn gesaczt wurden, gehorsam sein, und die benanntn von Ulme sich irs burgerrechtn und scherm des gemeltn closters eussern und ferrer nit haitn soltn etc. wie dann dieselbn unser k. brieve solichs auf vorberürt oder annderer meynung innhaltn, daz wir alles für gnugsam hierinn wellen bestymbt habn, und aber yecz von wegen des obgenanntn abbt und convents erber botschaft durch glaublich brieve und urkund, daz ir vorfarn die vermelt castvogtey von den, den die zeit zugestanndn ist, vor vil jarn und zeit an sich erkauft und erledigt habn, daz in auch darauf nach irm willen selb castvogt oder schermer zu nemen und wider abzuseczen mit anndern gnaden und freyheitn durch unser vorfarn am reich vergunst und gefreyet, gnugsam underricht, auch des und annderer irer freyheit von uns in kunigklichn und keyserlichn wirdn bestett sein, dawider uns nit zu tun, sonnder sy dabey zu hanndhaben gebürt, und sy dabey bleibn zu lassen diemüticlich angeruffen und gebetn werden. Als habn wir angesehen ..."

Überlieferung/Literatur

R. 56.