Regestendatenbank - 201.916 Regesten im Volltext

Chmel, Regesta Friderici

Sie sehen den Datensatz 5494 von insgesamt 8972.

quittirt den Grafen Hugo von Werdenberg, seinen Rath, über die ihm Nahmen des Herzogs Ludwig von Bayern, Pfalzgrafen bey Rhein abgelieferten Kleinodien und Urkunden.

"Bekennen für uns und unser erbn, daz uns der wolgeborn unser und des reichs lieber getrewr graf Hawg von Werdemberg unser rat, die hernachbestimbten clainet und edlgestain mitsambt ettlichen briefen und sigl damit dieselben clainet dem hochgebornen Ludwign pfallczgraven bey Rein und herczogn in Beyern unserm lieben oheim und fürsten von weilent unserm vettern kunig Lasslawen löblicher gedechtnuss umb vierczigktausent guldein eingeseczt worden ist nu und derselb graf Hawg von demselben herczog Ludwigen, auf dy veraynigung os er mitsambt dem erwirdigen Ulreichen bischoven zu Passaw unserm fürsten gevattern Römischen kannczler und liebn andechtign, auf unsern gwalt und bevelhen, so wir in beden darumb geben, mit demselben hertzog Ludwign deshalbn tan, von unsern wegen ingenomen, emphangn alle und ir yedes gancz und unversert zu unnser selbs hanndn pracht und geantwurtt hat, mit namen ain gross guldeins krewcz und ain klains guldein krewtz mit ainem silbrein vergolten fuess, auch ainen grossen guldein pechter die an edlm gestain und perlein habn, nemlich, von erst das gross guldein krewtz ainn grossen dyemantn, vor under dem crucifix und hinden entgegen einen klainen dyemantn und aber drey klainer dyemantn durch yede hanndt des crucifix ainen, und ainer durch bed fuess. Item mer hat dasselb krewtz vor und hinden und an alln ennden fünffundviertzigk grosser und klainer paless. Item ain grossen roten stain oberhalb des haubts des crucifix ob das ain rubin oder paless sey, ist durch des bemelten kunig Lasslaws und hertzog Ludwigs ret die den besicht habn unerkentlich gewesn. Item dreyunddreissig saphier gros und kleiner und mer zwen klain smaragden und drewhundert und siben perl gros und klainer. Item so hat das klainer guldein krewtz aindlef paless, mitsambt den klainen der im pellicon oben ligt und siben saphir all grosser und klainer, und dartzu vierunddreissig perl grosser und klainer, und ob des crucifix ain klains schellel von aim dyemantn. Item so hat der gross guldein pecher sechsundnewzigk stain halb paless und halb saphier grosser und klainer. Item so hat das uberlid desselben pechers achtundviertzigk stain, halb paless und halb saphier auch grosser und klainer, darunder sein zwen paless ze nagst oben auf manndl abprochn und in den pecher gelegt mit zwainn klainn guldein röslein, die auch darczu gehörn, so seinn auch an demselben pecher achtundachzigk perl grosser und klainer, und auf dem uberlid zwayhundet und zwayundzwainzigk perl grosser und klainer. Item den rechten haubt und schuldbrief von dem benantn kunig Lasslawen und den porgn, umb die bemelten vierczigtausent guldein gegebn. Item ainn papierenbrief, under künig Laslaws und hertzog Ludwigen fürgedruckten insigln darinn die bemelten clainet benennet und edln gestain aufgeschriben seinn. Item ainn pergamenen brief mit desselben kunig Lasslaws anhangunden insigl, desgleichs ainn mit der dreyer porgn anhangunden insigl, darinn sy die schuld und porgschaft erstrekhn und dabey ainn sandtbrief von demselben kunig Lasslawen dem bemelten hertzog Ludwign lautend. Item ainn reversbrief von demselben hertzog Ludwigen gegen dem aufslag.Item ain quittantz von demselben hertzog Ludwigen daz er der berürten viertzigktausent gulden auf den aufslag verweist und bezalt sey. Davon sagen wir den obbenanten graf Hawgen und sein erbn der obgemeltn clainet und brief aller wie die oben benennt und bestimbt seinn, auch seiner handlung obberürt, gancz quitt ledig und los angeverde ... Mit urkund des briefs."

Überlieferung/Literatur

Geh. H.-Archiv. (Cod. N. 25.)

Nachträge

Nachtrag einreichen
Einreichen
Empfohlene Zitierweise

Chmel n. 5492, in: Regesta Imperii Online,
URI: http://www.regesta-imperii.de/id/1468-10-04_2_0_13_0_0_5491_5492
(Abgerufen am 29.03.2024).