Regesta Imperii - Online Quellen zur Reichsgeschichte

Friedrich III. - Chmel n. 5469

1468 September 10, Grätz

URI Merken

schreibt dem Hanns von Starhemberg über die Beschleunigung der obderennsischen Kriegshülfe für K. Matthias von Ungarn.

Unserm liebn getrewn Hannsen von Starhemberg."Fridreich von gots gnadn Romischer kaiser etc. Lieber getrewr als am nagsten durch unser lanndtleut unsers fürstentumbs Österreich, so bey Laa im veld wider die veindt gelegen sein, dem durleuchtigistn Mathias kunig zu Hungern unserm lieben sun funffzehenhundert geraisiger pherdt ze halten zugesagt und wir von demselben unsern lanndtleuten durch ir botschafft gebeten worden sein, daran auch alsvil uns unsern preleten und stetn darin aufgelegt ist, ain gevallen ze haben und unsern willen darczu ze geben, das wir dann haben getan und dir und unsern preleten anndern vom adl und steten daselbs in Österreich geschriben und empholhen was ewr yedem darin angeslagen ist ze halten, das aber bisher nicht verfanngen hat. Nu werden wir yecz desselben zusagen halbn von dem benantn unserm lieben sun dem kunig angelanngt, emphelhen wir dir ernstlich und wellen, daz due darumb auf den nagstkunfftigen sannd Jeronimentag zu Lyncz seist, dahin, und auf denselben tag wir annder unser preletn vom adl und steten desselben unsers fürstentumbs Österreich oberhalb der Enns und die under der Enns gen Kornnewnburg auf sannd Franciscentag auch nagstkunfftigen ze kommen, auch ervordert haben, aus den sachen damit solhem zusagen fürderlich nachganngn werde zereden und des aynig ze werden, und dich des nichts sawmen noch irren lassest, daran tust du uns gut gevalln und gennczlich unser ernstliche maynung."

Überlieferung/Literatur

Archiv zu Riedeck.