Regesta Imperii - Online Quellen zur Reichsgeschichte

Friedrich III. - Chmel n. 4975

1467 Mai 2, Neustadt

URI Merken

gibt dem Jörg Truchsess zu Waldburg für sich und seine unterthänigen Städte "Wallse (Waldsee), Wintterstetn, Menngen und Wurtzen (Wurzach)" die Freyheit, die in ihren Gebiethen gefangenen Uebelthäter strafen zu dürfen.

"- Bekennen, daz uns der edel unser und des reichs lieber getrewer Jörig Drugsecz zu Waltpurg fürbringen lassen hat wie wol er und die stette Walsse Wintterstetn Menngen und Wurtzen so im zugehören und zuversprechen steen den ban uber das blut zu richten von uns und dem heiligen reiche haben sich zu zeiten begebe, daz ubertretter in seinen herschafften und gerichtten begriffen und zu hannden genomen und ferrer in derselben stete einebracht werden, die daselbs zu gichttigen und mit ine als sich nach recht und iren verschulden gebüret zu hanndeln und deszhalb bevelhnuss tue so steen doch dieselben stette in sorgen, daz ine solichs so dieselben ubertretter nit in und zu iren gerichtzwang gefanngen werden, daz in dann solichs nit zimlich sey und uns diemuticlich anruffen und bitten lassen, im und den benanten stetten solich ordnung zu halten und gichtigung zu tun gnediclich zuvergunnen und zu erlauben. Also haben wir angesehen sein diemütig bette auch redlich ursache uns darczu bewegende und damit ubel und poszheit gestraft werde und darumb mit wolbedachtem mute gutem rate und rechtter wissen dem egenanten Jörigen und den benanten stetten vergonnet und erlaubt, vergönnen und erlauben von Römischer keyserlicher macht in craft disz briefs. Allso was offen ubeltetter verleumbder und arkgwoniger leute so in des obgenanten Drugsessen herschafften gerichtten und gebieten gefanngen sein oder würden und den vorgenanten stetten oder ir einer von dem yeczgenanten Trugsessen seinen ambtleuten oder seinen wegen uberantwurt werden, daz sy dann dieselben offen ubeltetter verleumbd oder arkgwonig leute nach herkomen derselben stette und als sich das bey iren eyden gebüret gichttign und mit dem rechten nach irem verhanndel und verschulden richten und straffen sollen und mugen. Daz wir auch den obgenanten stetten allen und yeden von obgemelter unserer kaiserlichen macht auf des yeczgenanten Trugsessen ervordrung pey einer pene nemlich zwainczig marck lottiges goldes halb unns und dem heiligen reiche in unser keyserlich camer und den anndern halben teile dem benanten Trugsessen verfallen zu sein und unableszlich zu bezalen ernstlich gebieten sich daran nit irren noch verhindern zu lassen in einich weise ..."

Überlieferung/Literatur

Q. 69.