Regesta Imperii - Online Quellen zur Reichsgeschichte

Friedrich III. - Chmel n. 4899

1467 Februar 10, Linz

URI Merken

K. Friedrich erlässt einen Brief zu Gunsten der Kinder der Margareth Pfinzing, in Betreff der Hanns Voyt'schen Erbschaft.

"Als ettlich spenne und zwitrecht zwischen unsern und des reichs lieben getrewen Ludwigen Pfintzing dem jüngern burger zu Nürmberg Margrethen seiner eelichn hausfrawn eins teils und Hannsen Mullner burger daselbs und Margrethen Holczlin, des andern teils auferstanden sind, antreffunde ein vormundschaft aller der habe und gutes so weylent Hanns Voytt der benantn Margrethen Pfintzingin iren kindern und anndern getan hat, wie dan das desselbn Voyts gescheftbrief eigentlicher innehelt, darumb dann dieselben partheyen yeczo in unserm keiserlichn camergericht in recht gehangen auch daselbs und andern gerichten und ennden ettlich urteil process und ander briefe ausgegangen sind, haben wir aigentlich gemerckt, daz solich zwitrecht auch uber der gemelten kyndere habe und gut geen und wa das nicht fürkomen wurde in merklich scheden komen mochten und darauf betrachttet daz derselben kyndere und ires geschafften gutes nymands pillicher und getrewer vormunder sein dann ir leiplich vatter und muter vorgenant Ludwig Pfinczing und Margreth sein hausfraw. Wann uns nu als Römischem kayser gepürtt einen yeden unsern und des heiligen reichs undertan und sonnder unvogtpere kyndere bey dem iren zu behalten gnediclich zu handthaben zu beschirmen und vor schaden zu behütten. Der und anderer redlicher ursachalb uns darczu bewegende so haben wir den egenantn Ludwigen Pfintzing und Margrethen sein hausfrawn den gemeltn iren leiplichen kindern so sy yeczo haben oder künfticlich miteinander gewinnen zu solicher vorgemeltn Hannsen Voyts geschafften habe und gutte allein zu rechten vormunden vor meniclich gesetzet geordnet gemachtt und darauf solich vorgemelt urteil process und ander briefe alle wievil der biszher an dem gemelten unserm kaiserlichn camergericht auch andern gerichten und ennden ausgegangen sind oder hinfür von uns oder andern durch bette vergesse oder ander wege ausgeen wurden genczlich und gar aufgehebt vernichtet und abgetan setzen ordnen und machen die obgenantn kanleut iren kyndern allein zu rechten vormundten vormeniclich ..."

Überlieferung/Literatur

Q. 67.