Regesta Imperii - Online Quellen zur Reichsgeschichte

Friedrich III. - Chmel n. 4853

1467 Januar 7, Grätz

URI Merken

K. Friedrich erlässt ein Patent, dass er einen Befehl an den Magistrat der Stadt Augsburg gegeben habe, den Schutz- und Schirmbrief für die Adelgosz, falls keine Ausgleichung mit den Verwandten des Conz Geyr zu Stande gebracht würde, zu widerrufen.

"- Wann uns unser und des reichs getrewer Hans Geyr des egenantn Conczen sune von sein und seiner geswistred wegen fürbracht hat, wie die vorgenanten Adelgoss den obgenanten iren vater auf unser und des h. reichs freyen strasz frevenlich und mutwillenclich on alle ursach aus argem bösenn willen mörtlich vom leben zum tod bracht, darumb ine biszher einich abtrag oder wanndel beschehen noch für die vorgenantn von Laugingen zu einichem tag in deshalb abtrag zu thun verkündt were und uns diemuticlich angeruffen und gebeten daz wir ime und seinen geswistreten umb solh unrecht, frevel und ubel an dem yczgenanten irem vatter begangen gegn dem vorgenantn Adelsgosz recht ergen zu lassen und zu gestatten als sich umb solichs nach unser und des heiligen reichs rechten gebüret gnediclich geruchten. Wann wir nu nit geneigt sonder in solichen frevenlichen verhandlungen und unbillichen geschichten ymand gericht und recht zu versperrn, und doch gern wolten daz die egenanten partheyen desshalben miteinander gütleich vereinet und betragen wurden, darumb auch daz der obgenant Lienhart Adelgosz der gemelten sachenhalb und zu behelff unserer kaiserlichen briefe im vormals gegebn nit verkürczt oder ubereylt werde, so haben wir den ersamen unsern und des reichs lieben getrewen burgermeister und rate der stat zu Augspurg durch unser kaiserlich brief bevelhnuss getan die benanten partheien für sich zu ervordern und fleisz zu thun gutlich zu verainen, soverr sy aber die partheien mit einander gütlich nicht vereinen mochten, alsdann dem ytzgenantn Linhartn Adelgoss unsern kaiserlichen schirm gnad und freyheit im deszhalb durck unser kaiserlich briefe getan und gegeben von unser und des heiligen reichs wegen auf zumlich gesaczt zeit und tage sich des darnach ferrer nit zu gebrauchen abzukunden nach inhalt derselben unserer kaiserlichen commissionsbriefe deszhalb ausgegangen. Darauf wir auch, nach der yczgemelten abkundung und bestimbten zeit, so durch die obgenanten von Augspurg beschehen wirdet, die vermelten unser kaiserlich scherm gnad und freyheit dem genantn Adelgoss durch unser kaiserlich briefe getan und gegebn gancz vernichten widerruffen und abthun yecz alsdann und dann als yecz von egemelter unser kaiserlichen macht und rechter wissen in craft disz briefs ..."

Überlieferung/Literatur

Q. 63.