Regesta Imperii - Online Quellen zur Reichsgeschichte

Friedrich III. - Chmel n. 4460

1466 April 24, Neustadt

URI Merken

bevollmächtigt den Jörg von Fronhofen zur Untersuchung der verfallenen Reichslehen.

"- Wanne wir menigermal underricht sein wie ettliche unser und des heiligen reichs lehen und regalien nach dem die mit verwandlung an unser und des reichs lehenmannen und undertenig durch kauf oder in anderwege sich verfallen und an sy komen, zu seinen zeiten nicht empfangen sonder verhalten und ettwevil gancz abkauft und verswign beleibn zu emphahen werden, das uns dann nicht unbillich befrömdet, daz wir darumbe unserm und des reichs lieben getrewn Jörgn von Fronhofen hierinne bevolhen und gwalt gebn haben, gebn auch im den wissentlich in craft diss briefs also das er allenthalben im reich guten vleisz tun und die lehenbrief darumb zu lesen erforschen mag und sol, ob indert solich ungebürlich verkauffung verhaltung und versweign unser und des reichs lehen von den lehenluten vil oder wenig erfunden oder erayschet wurden, daz er uns dann solichs alles verkunden und zu wissen tun solle, darinne ferrer ze handeln und fürzunehmen, als sich gebüret und des reichs lehen ist ..."

Überlieferung/Literatur

Q. 40.