Regesta Imperii - Online Quellen zur Reichsgeschichte

Friedrich III. - Chmel n. 4197

1465 Juni 7, Neustadt

URI Merken

gibt dem Gerardus de Campo von Lüttich und seinen Erben einen Wapenbrief.

"- Attendentes igitur multiplicia tue probitatis merita, que non solum in eo enitescit, quod Romanum imperium semper et ubique locorum multa reverencia ut debes coluisti sed etiam in hoc in dies magis clarescit quod numerosam illam robustorum et fortium virorum societatem de Jesu nuncupatam tua inprimis opera et sedulitate ut accepimus conflasti, aliisque preclaris actibus virtutis tue pleraque exempla edere soles et preteferre, poterisque et debebis hiis premiis illectus uberius in futurum animo deliberato sano principum comitum baronum et procerum nostrorum et imperii sacri accedente consilio et de certa nostra scientia tibi Gerardo memorato heredibusque tuis ex tuo corpore legitime descendentibus hec nobilitatis armorumque insignia damus concedimus auctoritateque Romana imperiali presentium tenore clementer largimur. Videlicet scutum argenteum crucem lasurinam sive violaceam gestans, que quatuor suis equalibus aciebus quatuor aurei coloris stellis et in medio ipsius crucis quinta eiusdem coloris stella est distincta. Supra scutum autem galea conspicitur affixa corona plectili viridi et tectura argentei et violacei coloris pendentibus et sparsis philiis sive zottis tamquam vento agitatis, inde pubetenus turcica ymago in polimita veste exurgit, referens illius capti Thurci similitudinem quo serenissimus princeps Mathias rex Hungarie filius noster carissimus memoratum Gerardum de Campo donavit tegumento capitis aureo et ligatura candide fascie pro more patrie illius circum caput ducta, ubi ad sinistram aureum strucionis alba penna eminet. Ea autem turcica ymago hanc sentenciam candide fascie intextam exufflat et promit conversionis ad fidem katholicam signa videlicet: `Serviere deo regnare est`, que in manus quidem dextera candida ex manica veteris erroris Thurcorum extracta hastile rubrum apprehendit et gestat, in cuius summitate crux aurea eminet, cum vexillo quadrato lasurini sive violacei coloris in cuius medio nomen saluficum `Jesus` magnis litteris aureis est scriptum cum circulo multis flammis aurei coloris per circumferentiam emicantibus in sinistra vero alterum hastile refractum cum apice triangulari argenteo defert cui rubeum vexillum bipartitum connexum est, significans illum donatum Thurcum veterem sue gentis errorem refringere deserere et reiicere velle quemadmodum hec omnia pictoris artificio luculentius et distinctius hiis in literis sunt expressa ..."

Überlieferung/Literatur

Q. 181.