Regesta Imperii - Online Quellen zur Reichsgeschichte

Friedrich III. - Chmel n. 4071

1464 Mai 3, Neustadt

URI Merken

mahnt die schweizerischen Eidgenossen vom Kriege gegen Herzog Sigmund von Oesterreich ab.

"- Lieben getrewn uns hat angelanngt wie die ewrn ain merkchlich samung volkch beyeinannder und vor in haben unsers hawss Österreich lannd und leut an ew stösend in des hochgebornen Sigmunds hertzogen ze Österreich etc. unsers lieben vettern und fürsten regierung zu uberzichen und ze beschedigen uber den fünfzehenjerigen frid, so zwischen im und ewr gemacht und verschriben ist, auch daz er nuzemal mit ew und den ewrn in unguten nicht angefanngen noch fürgenomen hab, das uns frömbd nymbt und wan uns aber als Römischer kayser gepuret darob ze sein damit der benant unser vetter und die so dem haws Österreich zugehoren unpillich und wider recht auch uber den bemelten frid nicht ubertzogen bekriegt noch beschedigt werden, gepieten wir ew allen und ewr yeglichem besunder von Römischer kayserlicher macht ernstlich und vesticlich, daz ir solhs nicht tut noch des den ewrn ze tun gestattet in dhainem weg. Maynt ir aber ichts zu in ze sprechen haben, das mugt ir an uns bringen, so wellen wir darumb tag seczen und darin fürnemen was pillich ist und sich gepurn wirdt und tut dawider nicht als lieb ew sey unser swere ungnad zu vermeyden ..."

Überlieferung/Literatur

Geh. H.-Archiv.