Regesta Imperii - Online Quellen zur Reichsgeschichte

Friedrich III. - Chmel n. 4136

1464 (s. d.), (s. l.)

URI Merken

bestätigt eine inserirte (Dat. Montag vor S. Thomastag 1463) Erbordnung, die die Truchsesse von Waldburg, Eberhard der ältere, Graf zu Sonnenberg und sein Bruder Jörg der ältere, dann ihr Vetter Johann, Landvogt in Schwaben, zur Herhaltung ihres Geschlechtes gemacht haben. Pön 40 Mark Goldes.

"- nemlich also were oder fuegte sich fürbass yemer, daz under uns auch allen unsern erben und nachkomen Truchsessen zu Waltpurg mans namen ainer oder mer von tode abgiengen und ersturben und nicht eelich sune ainen oder mer nach tode hinder in verliessen daz denn der oder dieselbn abgegangn so allso dehain eelich sune nach tode hinder in gelassen hetten, die anndern und belibnen under unns und unnsern erben und nachkomen Truchsessen zu Waltpurg doch nemlich alwegn der oder die so nach recht und nechster sipp die nechsten erben sind, erben sollen an allen irn guten so sie also nach tode verlassen ... Also damit solich derselbn abgegangn erbe und gute allwegen und so offt das hinfür und für yemer zu fallen und schulden keme an und bey dem namen und stamen der Truchsessen zu Waltpurg beleiben solle für all annder erben in all weise. Doch allso und darinn vorbehalten, were das der oder dieselben so also in obgemelter wise ane elich sune und mans lieberben von tode abgiengen und erstürben elich tochtran nach irn toden und abgangn hinder in verliessen, es were aine oder mer, daz man die von dem gute das denn ir vater verlassen hette füren und ziehen solle untz daz sy beratig werden und wenn sy dann also beretig worden sind, so sollen dann der oder die under uns und unsern nachkomen Truchsessen zu Waltpurg der oder die denselbn abgegegn irn vatter geerbt hetten solich tochtran von demselben irs vatters seligen verlassen gute beraten und ussturen nach vermuglichait des guts und nach rat ir und der andern Truchsessen zu Waltpurg irer frunde, doch daz ir dheiner wievil des gelassen guts alda sye uber viertausent guldein Reinische zu haymstur nicht gebn werden sullen. Wenn auch dieselben tochtran ir ware denn aine oder mer also uszgestirt worden sind das denn furobin sy ir erben noch yemand anndere von iren wegen zu desselben ires vatters seligen verlassen erbe und gute enkain ansprach nicht mer haben noch gewynnen solln weder mit gericht noch ane gericht ... (Versiegelt auch durch) die wolgeborn und edeln graf Johannsen von Sultz hofrichter etc. Wernhern von Zymbern freyenhern zu Meskirch hofmaister etc. Jörgen von Gundelfingen freyen alle drey als unnser nechst frunde ..."

Überlieferung/Literatur

Q. 4.