Regesta Imperii - Online Quellen zur Reichsgeschichte

Friedrich III. - Chmel n. 3568

1457 Dezember 15, Grätz

URI Merken

befiehlt dem Hanns Neidecker, dem Ulrich Eyczinger das Schloss Gars um 6000 fl. Pfund Pfenning zu lösen zu geben.

"- Empieten unserm getrewn Hannsen Neidegker weilent Leopolden Neidegker sun unserm phleger zu Gars unser gnad und alles gut. Als weilent der durleuchtigist fürst Lasslaw, ze Hungern, zu Peheim etc. kunig, herczog zu Österreich und marggraf ze Merhern unser lieber vetter löblicher gedechtnusz, dem edeln unserm l. g. Ulreichen Eyczinger von Eyczing und seinn erben das geslos Gars mit aller seiner zugehörung rennten nuczen und güllten gegeben hat nach lautt der verschreibung, so derselb Ulreich Eyczinger von dem benanten unserm vettern kunig Lasslau darumb hat. Wan aber dem bemelten deim vater dasselb geslos Gars ettlich zeit in phantschafft und satzweis umb sechstausent phunt phening und guldein verschriben und nu derselb satz an dich gevallen ist nach lautt der verschreibung darüber ausganngen. Also haben wir angesehen, solh getrew redlich und fleissig dienst so uns der obbenant Ulreich von Eyczing in unsern kriegen und in andern wegen gut czeit getan hat und noch hinfür tun sol und mag ... Begern wir an dich emphelhen dir auch ernstlich, wann der obgenant Ulreich von Eyczing oder sein erben sölh lösung tun wellen, daz du in dann der stat tust ..."

Überlieferung/Literatur

Geh. H.-Archiv.