Regesta Imperii - Online Quellen zur Reichsgeschichte

Friedrich III. - Chmel n. 3175

1454 April 10, Neustadt

URI Merken

macht den Nicolaus Agalus zum Burggrafen einiger Orte in Morea.; (NB. Am 30. April erhält derselbe einen Passbrief, nebst der Ernennung zum kaiserl. Rath.)

"- Ex corusco lumine throni cesarei et splendore mirifico sedis auguste sic cetere dignitates prodeunt sicque ingenue nobilitates gratam sumunt originem, ut prime lucis integritas minorati luminis detrimenta non sentiat ymo tanto dignius splendeat tantoque fulgurosius luceat radius principantis monarche, quanto plures privilegiato splendeo (splendore ?) fuerint sublimati. Sane dum in nostre ditionis circuitu longe lateque conspicimus inter cetera quibus animus noster ad dilatationem boni communis imbuitur persona tua gratissimis obsequiis se nostris offert obtutibus considerantesque quod industria tua contra Turcos infideles ac Christi inimicos nobis et imperio sacro multum prodesse poterit, et ut te laboribus et studiis talibus eo diligentius submittas et per hoc te sacrum Romanum imperium ad cuius procurandos honores fidelissimis semper judiciis futuris temporibus intendere debeas clariorem reddat, ideoque te illustrium principum comitum baronum et procerum sacri Romani imperii sano accedente consilio animo deliberato de imperialis plenitudine potestatis et ex certa nostra scientia hodie in nomine domini salvatoris nostri a quo omnis honor provenire cognoscitur ad comitatus statum elevavimus ereximus sublimavimus et nobilitavimus et in verum comitem castri Nova-Patre Salone Liborice et Fedrinice prope Moream terrarum orientalis ecclesie siti, elevamus erigimus, sublimamus et nobilitamus de Romanocesaree plenitudine potestatis per presentes. Decernentes quod tu heredes tui legitimi comites castri Novapatre predicti appellari nominari et ex nunc in antea tamquam sacri imperii comites teneri honorari et ubique ab omnibus reputari omnique jure jurisdictione privilegio honore gratia dignitate et emunitate ac mero et mixto imperio perfrui possitis et debeatis quibus alii sacri Romani imperii comites in dandis et recipiendis juribus ac in conferendis seu suscipiendis feudis et in omnibus aliis nobilem conditionem et statum comitum concernentibus freti (sic) sunt hactenus seu quomodolibet potiuntur ..."

Überlieferung/Literatur

P. 194.