Regesta Imperii - Online Quellen zur Reichsgeschichte

Friedrich III. - Chmel n. 2261

1447 März 11, Wien

URI Merken

verpfändet für sich und K. Ladislaus dem Ulrich Eyzinger von Eyzing und dem Hanns Holzer den Ungelt zu Ibbs, bis die Schuld per 5743 Gulden bezahlt ist; jährlich sollen 700 Pfund Pfenninge abgezahlt werden.

"- Als wir unserm lieben getrewen Rudolfen von Tiernstain und seinen erben unsern ungelt zu Ibs mit seiner zugehörung für achttausent guldein unger und ducaten die er zu des lanndes notdurftn berait dargelihen hat in saczsweis an absleg der nuczs verschriben hatten und nu derselb von Tierstain dem edeln unserm lieben getrewen Ulrichen Eyczinger von Eyczing und unserm getrewen Hannsen Holczer fünftausent guldein unger und ducaten schuldig worden ist und uns den bemelten unsern saczbrief widerumb zu unsern hannden ubergeantwurtt hat, daz wir uns durch des yeczgemeltn von Tierstain diemutiger und fleissiger bet willen gen den benantn Eyczinger und Holczer der egenanten fünftausent guldein unger und ducaten oder aber ye für ainen derselben guldein siben schilling Wienner phenning der swarczen münnss zu bezaln vervangen haben, so hat uns der benant Eyczinger zu derselben lösung desselben ungelts als wir den von den benanten von Tiernstain gelöst haben, berait gelihen sibenhundert und dreyundvierczig guldein das alles mit summ so wir den benanten Eiczinger und Holczer nu schuldig worden seinn und gelten sullen, bringet fünftausent, sibenhundert und dreyundvierczig guldein die wir in und iren erben mit guter vorbetrachtung und nach unserr ret rat auf unserm ungelt daselbst zu Ibs verschribn haben wissentlich und in kraft des briefs in solher mass daz die benanten Eyczinger und Holczer sich des obgemelten unsers ungelts ze Ibbs mit allen eren rechten nuczen und rennten in steten merkten dörffern auf höfen und schenkhhewsern und allen andern zugehörungen als man dann den daselbshin gen Ibs gevechsnet ingenomen und den vormaln in ungeltsweis gehanndelt und herpracht hat auf den Palmtag schieristkömend underwinndn und den si und ir erben ... jerleich vumb sibenhundert phund phenning in bestandsweis zu abslegen der hauptsumm innehaben innemen und vechsnen sullen ..."

Überlieferung/Literatur

Geh. H.-Archiv.