Regesta Imperii - Online Quellen zur Reichsgeschichte

Friedrich III. - Chmel n. 836

1442 (s. d.), Frankfurt

URI Merken

verleiht Amalien von Hodorf, verwittibten von Reischach, gewisse Lehen.

"Bekennen, daz fur uns komen ist der veste Ortolff von Hodorff unser und des richs lieber getruer in namen und an stat Amelyn von Hodorff witibe von Ryschach seiner liebn swester und ihrer kynnder und hat uns furbracht und sehen lassen zwene brieve vormals von unserm vorfaren zu der zeit kunig Sigmund seliger gedechtnuss gegeben derselbn brief einer innhaltet und ausswisent sind wie der veste Burckhart von Ryschach das slossz Vorder-Stoffel im Hegaw gelegen mit seiner zugehorunge von den vesten Rufen von Rischach seinem vettern umb dreytusent gulden gekaufft hat, und auch anderhalben juchart reben gelegen zu Wittedingen die erkaufft sind umb Conrat von Stoffel so ist der ander brief innehaltend und auszwisende einen wechsel der bescheen ist zwischen dem obgemelten Burckhart Ryschach und dem strengen Hannsen von Bodmen und Caspar von Clingenberg umb ettlicher guter nemlich umb holcz und felde von uns und dem rich zu lehen rürende als von baider vesten Stoffel wegen etc. wie das dann alles die obgenanten zwen brieve eigentlicher auszwisent und wannt nu der vorgenant Burgkart von Rischach unser und des richs lieber getruer von todes wegen verfaren ist, und solichen obgemelten guter von uns und dem h. reich zu lehen rurent so hat der vorgenant Ortolff von und in namen und in stat Amelyen seiner swester und ir kindere, die sie mit egenanten Burghart von Rischach irem hauszwirt seligen gehabt hat, uns mit diemütigem fleiss gebeten im in namen an stat derselben seiner swester und irer kinder das obgenant sloss Vorderstoffel mit seinen zugehörungen und die anderhalben juchart reben wie vor zeindt ist zuverleihen zu raichen und auch den obgenanten wechssel umb holcz und feld nach lude des briefs davon besagende als vor ludt unserm willen verhengnusse und gunst zu geben gnediclich geruchten. Des haben wir angesehen etc. ..."

Überlieferung/Literatur

O. 159.