Regestendatenbank - 201.916 Regesten im Volltext

Chmel, Regesta Friderici, Anhang

Sie sehen den Datensatz 56 von insgesamt 133.

Gerichtsbrief im Processe mehrerer Nürnberger wider einen Cöllner Bürger.

"Wir Fridrich etc. bekennen etc. als auff heutt datum disz brieves vor unserm kuniglichen camergericht diser hernachgeschriben burger zu Nuremberg, nemlich Hanns Teczels, Ulrich Hallers, Pauls Vorchtels, Hanns Gralannts, Karl Holczschuers, Sebalt Bomers, Berchtold Nuczels, Michel Beheims, Berchtold Pfinczings, Berchtold Volkmayr, Matheis Ebners, Pauls Grunthers, Peter Mendels, Niclas Muffels, Ulrich Stromers, Conrat Pawngartners des eltern, Erhart Schurstabs, Jorg Hallers, Heinrich Rumels, Jorg Gewders, Ulman Hegneins, Berchtold Tuchers, Peter Rieters, Hans Grasers, Ludwig Pfinczings, Conrat Eschenloers, Fridrich Plechers und Conrat Wols machtboten und mit in Johannes Marquardi clagt hand zu Wilhelmen von Krebs burger zu Collen umb ettlich pen kost und schaden und aber dawider desselbn Wilhelms von Krebs machtbott begert hat, die vorgenanten burger von Nuremberg umb solich ir clag gegen Wilhelmen zum rechten zu weisen nach lautt der stat zu Collen frihaitt und der von Nuremberg machtboten und Johann Marquardi dawiderredtn, die sach were durch beruffung und ein appellacion in gericht komen und darumb so were nit pillich, das die burger von Nuremberg solt gewist werdn nach der von Colln frihait sag, den sy clagt umb pen costn und schadn zu Wilhelmen vom Krebs als vor und Wilhelm machtbot begert ouch glich als vor, daz da mit eintrechtiger urtaile erteilt ist, das die vorgenanten burger von Nuremberg ir recht gegen Wilhelmen vom Krebs suchen sollen zu Collen nach der stat Colln frihait lautt und sag. Mit urkund disz briefs versigelt mit unserm kuniglichn anhangundem insigl. Geben zu Nuremberg an donrstag nach sand Michelstag, anno domini etc. xliiii."

Chmel n. 1769

Registereinträge

Nachträge

Nachtrag einreichen
Einreichen
Empfohlene Zitierweise

Chmel, Anh. n. CA-56, in: Regesta Imperii Online,
URI: http://www.regesta-imperii.de/id/1444-10-01_2_0_13_0_1_56_CA56
(Abgerufen am 29.03.2024).