Regesta Imperii - Online Quellen zur Reichsgeschichte

Friedrich III. - Chmel n. 4981

1467 Mai 8, Baden

URI Mark

schreibt dem Hanns von Starhemberg in Betreff der Hohenberg'schen Erbschaft.

"Embieten unserm lieben getrewn Hannsen von Starhennberg, unser gnad und alles gut uns hat der ersam andechtig unser lieber getrewr Steffan von Hohennberg pharrer zu Potenstain anbracht, wie du unsern lieben getrewn Hannsen von Hohennberg seinen bruder und ir beder veterlich und müeterlich erb wider weilent Fridreichn von Hohenberg ires vaters geschefft, auch ainn spruch und dartzu ain abred deshalben nachmals durch ewselbs beschehen im drittn jare her inngehabt habest und noch innhaltest, des sich der obbenant von Hohennberg beswert bedunkht, emphelhen wir dir ernstlich und welln, daz du dich des innhabens des obbemelten Hannsens von Hohennberg entslahest und muessigest und im auch dem obberürten Steffan von Hohenberg irs väterlichs und müeterlichs erbs was du des innhast, an vertziehen abtretest, und sy berublich dartzu komen lassest, vermainest du aber darinn icht inred ze haben so haben wir unsern liebn getrewn n unsern reten so zu Wienn seinn bevolhn ew deshalben ainen benanten tag für sich zu benennen, geneinander zu hörn und versuhen gutlich zu verainen, mocht des aber nicht gesein alsdann verrer darinn nach innhalt unsers briefs darumb ausgangn ze hanndln, demselbn tagsetzen wisse also gehorsamlich nachzekomen. Daran tust du unser ernstliche maynung ..."

Archival History/Literature

Archiv zu Riedeck.