Regesta Imperii - Online Quellen zur Reichsgeschichte

Friedrich III. - Chmel n. 4148

1465 Februar 14, Neustadt

URI Mark

schreibt seinem Rathe Jörg von Volkenstorf in Betreff der Unterhandlungen mit dem Jörg von Potendorf, der die Hauptmannschaft gegen die Landesfeinde übernehmen soll.

"Fridreich etc. Edler lieber getrewer die edeln unser lieb getrewn graf Michel von Maidburg und annderer unser lantleut unsers furstentumbs Osterreich so yecz zu Wienn und Kornnewnburg bei einander gewesen sein haben uns auf unsers getrewn liebn Wolfgang Kadawers unsers rats und pfleger zu Kyrnburg werbung der veinthalben von unsern wegn an sy beschehn geschribn darauf wir in widerumb unser antwurt getan habn, als du das an der abschrifft hieinn beslossn vernemen wirdest und lassen dich wissen, das wir yetz ettwooft unsern liebn getrewn Jörgen von Potendorf unsern diener sich der haubtmanschaft wider dieselbn veint anzenemen ernstlich ersuhen und im zusagn habn lassn wochenlich ic. pf. pfen. und im die auf ii. gancze moneid furzugeben und der iiiic. pf. pfen. hie auszurichtn und iiii. c. pf. pfen. von dem gellt, so noch bey unserm getrewn Conratn Holzler vorhanden ist und darczu ii. pf. pfen. zu pesserung auch von demselbn gellt zugebn auch in mit ainem gewondlichen schadenbrief fürzesehen und im kain anczal volkh zufürn aufgesaczt, darauf ist des benantn von Potendorf vordrung und maint wochenlich ii. gulden in gold oder sovil gellts als der gulden gewondlich gilt und in ain gancze quottember zubestelln. Des schaden halben sollten wir drei desgleichen wollt er auch drei seiner frewnt darczugeben die von der scheden wegen ob er und die seinen der icht nemen wurden ansprechen, sunder maint er, das wir im uber die verainigung so wir mit im umb unser gsloss und herschaft Weittenegk um (5000) gulden getan, iiim. gulden zugebn zugesagt sollten haben und underricht zu werdn ob wir des noch ingedenckh serin oder nicht das uns dan frombd nymbt nachdem wir uns umb die bemelt unser gsloss und herschaft Weittenegk und all anndern sein spruch so er zu uns gehabt umb dieselben vm. gulden veraint habn und er darumb sein entliche quittung geben hat, nw wer uns die sachn des gulden halbn swär wan uns das gen andern unfug bringn möcht, als du selbs wol versteest, auch die entschaidung des schadn halbn uns ain grosse newung bracht und habn uns uber unsers vorigen erbietn darczu l. pf. pfen. Auch ainen gewondlichn schadenbrief zu gebn verwilligt, also das im dieselb quottember xiiiiiC. pf. pfen. geburet und geviel und versehen uns er werde solhs nicht aufnemen das verkunden wir dir darumb das du des ain wissn habst und andern so dich gut bedunckt zu underrichtn wissest."

Archival History/Literature

Archiv zu Riedeck.